Едно од најчесто поставуваните прашања кај новите корисници на линукс е како да инсталираат нов софтвер. Скоро сите Windows програми ни доаѓаат со лесен, пријателски интерфејст за инсталација.

 Превземање на софтвер од веб страна.

Најпрво од се, треба да го најдете пакетот кој сакате да го инсталирате. Можете да најдете софтвер буквално за сите ваши потреби, игри, плеери за музика и филм, текст едитори, развојни алатки и сл. Откако ќе го најдите посакуваниот пакет, одите во download секцијата. Таму би требало да најдете неколку видови на пакети со различни екстензии како на пример rpm, deb и други. Ова значи дека тие пакети се наменети за различни дистрибуции на линукс. Треба само да ја одберете правилната дистрибуција која ја имате инсталирано на вашиот компјутер.

Постојат голем број на линукс дистрибуции ( премногу ! ), затоа во овој дел ќе ги покриеме само RedHat/Fedora Linux, Debian и нивните верзии ( Ubuntu, Yellow, Dog .. ). Значи ако користите Red Hat или Fedora линукс, треба да превземате фајлови со екстензија .rpm, додека ако користите Debian ќе морате да превземате .deb фајлови.

Сигурно ќе забележите дека превземањето на овие пакети е многу брзо затоа што тие се мали ( обично потребни се само неколку секунди доколку имаме broadband интернет конекција ) па ќе се запрашате како е можно толку мал фајл да содржи некоја програма. Да, не е можно. Тие фајлови само содржат информации кои вашата верзија ги користи за превземање бинарните фајлови. Ајде да се позанимаваме со командната линија и да инсталираме некоја програма !

Отворете го терминалот. На почетокот да појдеме на десктопот

cd ~/Desktop

• За Red Hat
Сега ќе го користиме RedHat Package Manager (RPM) за ова. Едноставно користете ја следната команда
su
( внесете ја лозинката )
Rpm –Uvh moja_programa.rpm
Заменете го moja_programa.rpm со rpm фајлот кој сте го превзеле претходно. Стегнете на Enter тастерот и почекајте додека да се симнат сите датотеки потребни за инсталација на програмата.

• За Debian и верзиите на Debian:
sudo dpkg –i moja_programa.deb
(внесете ја лозинката )
Ако во случај sudo командата не работи, тогаш обидете се со su командата и внесување на вашата лозинка.

Инсталирање преку менаџерот за пакети ( Package Manager )

Друг начин за инсталирање на софтвер под линукс е користењето на менаџерот за пакети. Скоро сите линукс дистрибуции доаѓаат со програмот Synaptic Package Manager, кој е доста едноставен за користење. Внесете го во Search името на програмата која ја барате, одберете ја програмата, означете за инсталација и кликнете на Apply. 

За оние кои користат Red Hat , можат да ја користат "Package Management" алатката за инсталирање на софтвер, која всушност е GUI . Ви овозможува пребарување на голем број на програми кои треба само да ги одберете и да кликнете Update за да се инсталираат.

Бришење на софтвер

Некогаш ќе имате потреба за бришење на софтверот кој некогаш сте го инсталирале. Тоа можете да го направите на два начини ; или да го користите GUI менаџерот за пакети или пак да го користите терминалот. Ќе ви објаснам како се прави тоа преку терминалот.

• RedHat
Ако го знаете точното име на пакетот кој сакате да го отстраните користете ја следната команда;
rpm –e moja_programa
Ако сакате да дознаете повеќе информации за одреден пакет внесете ја оваа команда
rpm –q moja_programa

• Debian
Користењето на apt-get за бришење на софтвер е навистина лесно. Се што треба да направите за да избришете одредена програма е следново ;
apt-get remove moja_programa

*Забелешка; Инсталирањето на софтвер на линукс е навистина широка тема и е многу тешко да се покрие се. Јас само се обидов да ги објаснам најосновните работи за подобро разбирање околу инсталирањето и бришењето на софтвер под линукс.